Говийн их дархан цаазат газрын “Б” хэсэгт энэ оны 9-р сарын байдлаар 320 орчим тахь бэлчиж байна. Нийт үржлийн 23 сүрэг ба 3-5 азарганы үрээний сүрэг болон бэлчиж байна. 2020 онд хээлтэй болох нь тогтоогдсон 78 гүүний 56 нь унагалсан байна. Гүүнүүдийн унагалалтын тоо 2019 онтой харьцуулахад өссөн боловч төл бойжуулалт арай багассан байна. Говийн бүс нутагт цаг агаар хүйтэрч нутгийн иргэд өвөлжилтийн бэлтгэлээ хангаж байна.