Говийн их дархан цаазат газрын “Б” хэсгийн хамгаалалтын захиргааны даргаар хорь гаруй жил ажилласан Оюунсайханы Ганбаатар нь 2022 оны есдүгээр сарын сүүлчээр ажлаа өгч, байгаль хамгаалалын дахин нэгэн шинэ сорилтыг эхлүүллээ.
Тэрээр тахь сэргээн нутагшуулах төсөлд анхлан 1999 онд Монгол Улсын Их сургуулийн биологийн ангийн оюутан байх үеэс тухайн үед энэхүү төсөлтэй нягт холбоотой ажиллаж байсан профессор Равчигийн Самъяагийн удирдлаган доор эхлүүлж байжээ. Тухайн үед тахийн судалгааны хөтөлбөр дөнгөж эхэлж байсан. Үнэнч шударга зантай Ганбаатар нь уг төсөлд маш хурдан дасан зохицон, олон жилийн ажлын туршлага, шинжлэх ухааны судалгааны баримтуудыг хуримтлуулж, шилдэг тахийн биологич болон тодрон гарсан. Түүний орон нутгийн улс төрчид, малчид, ард иргэд болон Олон улсын тахь групп нийгэмлэлтэй маш сайн харилцаа холбоо үүсгэн ажиллаж чадсаны үр дүнд тахь сэргээн нутагшуулах хөтөлбөрийг дахин нэгэн шат ахиулж чадсан ажил нь 2019 оны дархан цаазат газрын өргөтгөл юм. Ганбаатар нь Монгол улсад төдийгүй олон улсад хүлээн зөвшөөрөгдсөн тахийн биологич гэдгээ батлан эх орондоо дөрөв дахь удаагийн тахь нутагшуулах ажлыг эхлүүлж байгаагийн зэрэгцээ тэрээр шинжлэх ухааны докторын ажлаа дуусгахад ханцуй шамлан орж байна.
Тахь нутагшуулах үйлсэд 23 жил үнэлж баршгүй ажилласан О. Ганбаатарт ОУТГ чинь сэтгэлээсээ талархаж түүнд болон түүний гэр бүлийнхэнд цаашдын ажилд нь өндөр амжилт хүсье!
О. Ганбаатарын оронд Говийн их дархан цаазат газрын “Б” хэсгийн хамгаалалтын захиргааны даргын үүргийг “Аагий” буюу Н.Алтансүх түр орлон гүйцэтгэгчээр хариуцан ажиллаж байна. Тэрээр Говь-Алтай аймаг, Бугат сум, Биж багийн уугуул иргэн бөгөөд Олон улсын эдийн засаг, бизнесийн дээд сургуулийг эдийн засагч, нягтлан бодох бүртгэлийн чиглэлээр бакалавр; Эко-Ази дээд сургуулийг экологич, байгаль хамгаалагч мэргэжлээр бакалавр; Ховд их сургуулийн биологийн ухааны магистр зэрэгтэй.
Тиймээс тэрээр орон нутгийн нөхцөл байдал, оролцогч талуудыг сайн мэддэг. Н.Алтансүхэд шинэ албан тушаалд нь баяр хүргэж, үр бүтээлтэй хамтран ажиллахыг хүсэн ерөөе.