Learning Wild: Эмили Кисон (Equine International) болон Бонни Миланд (Touching Wild), мөн ОУТГ, ГИДЦГазрын Б хэсгийн Далайцэрэн Сүхбаатар, Рейнхард Шнидриг, Дагвасүрэн нарын хамтарсан багийнхан Говийн Б-д гайхалтай аялал хийж, насан туршид ховор тохиох туршлага хуримтлуулав. Эмили Кисон аяллынхаа талаар:
“Зэрлэг амьтдыг судлах баг Говийн В-д очсон нь миний бүх хүлээлтээс давсан аялал боллоо. Говийн Б ДЦГ-ын ажилтнууд болон хөтөч нар гойд зочломтгой байсан бөгөөд бидний ихэнх нь урьд өмнө хэзээ ч үзэж байгаагүй огт өөр байгаль, соёлыг хүлээн авч буйгаа тэр даруй мэдэрсэн. Тус газар нутгаар явж, зэрлэг ан амьтдын талаар судлах бидний хүсэл зорилгыг биелүүлэхийн тулд ажилтнууд хичнээн их зүйл хийхэд бэлэн байгааг хараад би бүр санаа зовсон. Энэхүү нэгж нь өөрөө сурах судлах боломжоор хангаж өгөх суурь бааз болсон төгс газар юм. Багийн гишүүд маань үүр цайхын өмнө босч аль нэг баянбүрдэд ан амьтдыг ажиглахаар очих, эсвэл байрандаа үлдээд гэрийнхээ ая тухтай орчинд байгалийн үзэсгэлэнг харах мэтээр Говийн гайхамшгийг хүссэнээрээ харж бишрэх хязгааргүй боломжтой байлаа.” гэжээ.