2025 оны анхны унага мэндэллээ
2025-04-15
Говийн их дархан цаазат газрын “Б” хэсэгт 2025 оны анхны унага 04 сарын 13-ны өдөр мэндэллээ. Нялх унагыг үргээж болохгүй тул зургийг алсаас дарав.
Говийн их дархан цаазат газрын “Б” хэсэгт 2025 оны анхны унага 04 сарын 13-ны өдөр мэндэллээ. Нялх унагыг үргээж болохгүй тул зургийг алсаас дарав.
Говийн их дархан цаазат газрын 50 жилийн ойн хүрээнд 2025 оны 4 дүгээр сарын 4-ний өдөр эрдэм шинжилгээний хурал амжилттай зохион байгуулагдлаа. Энэ үеэр судлаачид говийн бүс нутгийн амьтан, ургамал, баян бүрдийн судалгаа, усны сээр нуруугүйтэн, байгаль орчныг нөхөн сэргээх болон бусад олон төрлийн сонирхолтой судалгааг хэлэлцүүллээ.
Илтгэлүүдийн дунд ГИДЦГ-ын Б хэсгийн ХЗ-ны дарга асан О.Ганбаатар, ОУТГ-ын биологич Анхзаяа нарын Зүүнгар говь дахь тахийн судалгаа байв.
Чуулганыг нээж БОУАӨЯ-ны Тусгай хамгаалалттай газар нутгийн бодлогын хэрэгжилтийн газрын дарга Д.Батцогт, мөн ГИДЦГ-ын “А” хэсгийн ХЗ-ны дарга Ч. Баярбат, ГИДЦГ-ын “Б” хэсгийн ХЗ-ны дарга Н.Алтансүх нар үг мэндчилгээ дэвшүүллээ..
Энэхүү хурлыг зохион байгуулсан профессор Самъяа болон оролцсон ХЗ-ны хамт олон, ШУА-ийн эрдэмтэд, ТББ-ын төлөөлөл, их дээд сургуулиудын багш, судлаач нарт талархал илэрхийлье.
Энэхүү цувралаар Та говийн их дархан цаазат газрын “Б” хэсэгт сэргээн нутагшуулж буй тахийн түүх болон тэдний амьдрах орчны талаар сонирхолтой зүйлсийг олж мэдэх ба бид өөрсдийн хийж буй ажлын талаар танилцуулах болно. Энэхүү цуврал таны тахийн амьдрах орчинтой танилцах, энэ буянтай үйлдсэд нэгдэх хүсэл эрмэлзлэлийг бадраах болов уу?
Энэ линк-ийг дарж товч танилцуулгыг үзэж болно.
Webinar 4 дүгээр сард эхэлнэ. Хураамж150,- EUR ба энэ хураамж шууд тахь хамгаалах санд хандивлагдана.
Энд дарж бүртгүүлнэ үү.
Энэ оны 1-р сард жил бүр зохион байгуулдаг ОУТГ/ITG-ийн семинар Винтертур дахь Брудерхаусын зэрлэг амьтдын хүрээлэнд амжилттай болж өнгөрлөө. Монгол, Швейцар, Герман, Норвеги, Нидерланд зэрэг орноос ирсэн байгаль орчны салбарын мэргэжилтнүүд сонирхолтой илтгэл хэлэлцүүлж, энэ онд хийхээр төлөвлөж буй ажлуудын талаар ярилцлаа.
Олон Улсын Тахь Групп (ITG) нь Говийн их ДЦГ-ын А хэсгийн нутаг дэвсгэрт байрлах хилийн боомтыг нээх, зам барихын эсрэг ховор амьтдын өлгий нутгийг хамгаалах Монгол улсын иргэдийн байр суурийг дэмжиж байна.
Энэ талаар дэлгэрэнгүйг эндээс уншина уу
Монгол хэлээр Тахь гэж нэрлэгддэг монгол адуу 1960-аад оны сүүлчээр байгальд устсан. Говь цөлийн бүсийн бэлгэдэл болсон энэ зэрлэг адуунаас ердөө арван хоёр бодгаль амьтны хүрээлэнд үлджээ. Энэ зүйл нь олзлогдон хагас байгалийн нөхцөлд буюу том хашаанд тэжээгдэн үлдсэн. Хустайн байгалийн цогцолборт газар болон Зүүнгарын говийн тусгай хамгаалалттай газар нутагт тахийг байгальд нутагшуулах анхны төслүүдийг 1992 онд Монгол Улсын хэмжээнд хэрэгжүүлж эхэлсэн. Говь Алтай аймагт хэрэгжиж буй уг төслийг 25 жилийн турш ОУТГ туршлага, санхүүжилтээр дэмжин ажиллаж байна. Хагас байгалийн болон байгалийн нөхцөлд тахийг хамгаалах төслийн сүлжээг бий болгох зорилгоор Монгол, Хятад, Казахстан, Орос, Унгар, Чех, Франц, Испани, Швейцарь зэрэг улсын төслийн менежер, судлаачдын оролцоотойгоор 2024 оны есдүгээр сарын 23-26-ны хооронд Хустайн байгалийн цогцолборт газарт зөвлөгөөн зохион байгууллаа. Уулзалтын төгсгөлд ОУТГ-ийн Ерөнхийлөгч тахь хамгааллын бүхий л төслүүдийг олон улсын хэмжээнд зохицуулахад идэвхтэй дэмжлэг үзүүлэхээ амлав.
Зураг дээр Great Gobi B & Numrug багийг харуулжээ.
9-р сард ОУТГ-ын ерөнхийлөгч Райнхард Шнидриг ГИДЦГ-ын “Б” хэсгийн Тахийн талд зочилж, тогтвортой эко аялал жуулчлал, ноолуур ашиглалтын чиглэлээр ОУТГ-ын хэрэгжүүлж буй төслүүдийн талаар Хамгаалалтын захиргааны захирал, байгаль хамгаалагчид болон ОУТГ багийнхантай газар дээр нь хэлэлцэн, тахийн мониторингад хамтран оролцлоо. Уудам тал нутгаар аялсаны дараа тэр: “Алтан өнгөөр шаргалтах намрын нэгэн өдөр 250 орчим тахь, зуу зуугаар давхих тахийн сүрэг харах нь сэтгэл догдлом!” гэжээ.
2024 оны 10-р сарын 3-ны өдөр Олон Улсын Тахь Группын ерөнхийлөгч, Др. Райнхард Шнидриг Монгол Улсын Байгаль орчин, уур амьсгалын өөрчлөлтийн сайд С. Одонтуяатай уулзаж, Тахь хэмээн нэрлэгдэх Пржевальскийн адууг Монголын Зүүнгарын говьд амжилттай сэргээн нутагшуулсан талаар мэдээллээ. Мөн Монголын говийн зургаан тусгай хамгаалалттай газар нутгийг ЮНЕСКО-ийн Дэлхийн Байгалийн өвд нэр дэвшүүлэхэд дэмжлэг үзүүлэх төслийн талаар хэлэлцэв.
ЮНЕСКО-гийн Дэлхийн байгалийн өвд бүртгэгдсэн газрууд бол биологийн олон янз байдал, экосистем, геологи болон онгон зэрлэг байгаль бүхий үзэсгэлэнтэй газар нутаг, ба дэлхийд цорын ганц, давтагдашгүй газрууд юм. Олон улсын тахь групп (ОУТГ) нь Михайл Сукковын сан, Монголын шувуу хамгаалах төв, Норвегийн Хэрэглээний Шинжлэх Ухааны Их Сургуультай хамтран 2023 онд Монголын говийн нийт 83’000 км2 талбай бүхий зургаан тусгай хамгаалалттай газрын сүлжээг хамруулан нэр дэвшүүлэхэд бэлтгэх төслийг эхлүүлээд байна. Олон улсын түвшинд тод томруун харагдахуйц энэ төслийг дэмжих зорилгоор ОУТГ-ын Ерөнхийлөгч Райнхард Шнидриг, ОУТГ-ын Монгол дахь Төлөөлөгчийн газрын Гүйцэтгэх захирал Жамьяндоржийн Батсүх нар НҮБ-ын Монгол дахь Суурин зохицуулагч н. Тапан Мишратай 2024 оны 10-р сарын 3-ны өдөр Улаанбаатар хотноо уулзав.
Лена Михлер 2024 оны 6-р сараас эхлэн Европ дахь ОУТГ-ын захирлаар ажиллаж байна.
Тэрээр ОУТГ-ийн менежментийн үүрэгт ажлуудыг хариуцахын зэрэгцээ нийгэм, эдийн засгийн төслөө үргэлжлүүлсээр байна. Лена Михлер ОУТГ-ын төв оффис болон Монгол дахь ОУТГ-ын Төлөөлөгчийн Газар хоорондын ажлыг зохицуулдаг.