ГИДЦГ-ын “Б” хэсгийн тахийн тоо 349-т хүрлээ

2021 оны 12-р сарын байдлаар Монгол улсад нийт 851 тахь бэлчиж байна. Үүнээс: Говийн их дархан цаазат газрын “Б” хэсэгт – 349, Хустайн нурууны байгалийн цогцолборт газар – 380, Хомын талын байгалийн цогцолборт газар – 122 тахь тус тус идээшин өвөлжсөн байна.

гар зургийн уралдааныг

Монгол улсад Тахь сэргээн нутагшуулсны 30 жилийн ойг тохиолдуулан гар зургийн уралдааныг ЕБС-ийн дунд ахлах ангийн хүүхдүүдийн дунд зарлаж байгааг хүргэхэд таатай байна. Хүүхдүүдийг өргөнөөр оролцохыг урьж байна.

ИРЭЭДҮЙН СУДЛААЧ

Олон улсын тахь групп, ГИДЦГ-ын “Б” хэсгийн хамгаалалтын захиргаа хамтран 2022 оны 02 дугаар сарын 28-наас 3 дугаар сарын 07-ны өдрүүдэд тус тусгай хамгаалалттай газар нутгийн орчны бүсийн Говь-Алтай аймгийн Бугат, Тонхил, Ховд аймгийн Алтай, Үенч, Булган сумдын ерөнхий боловсролын сургуулийн сурагчдад “ИРЭЭДҮЙН СУДЛААЧ ХӨТӨЛБӨР”-ийг хэрэгжүүлж ажиллаж байна.

Энэхүү хөтөлбөр нь хүүхдүүдийн байгалийн ухааны туршилт шинжилгээ хийх сонирхлыг хөгжүүлэх, зэрлэг амьтан, ургамал, бичил биетэн, тэдний амьдрах нөхцөл,

хүрээлэн буй орчны юмс үзэгдэлд үнэлгээ өгөх чадвар эзэмшихэд нь туслах, шинжлэх ухаааны боловсролтой, байгаль орноо хайрлан хамгаалах үзэлтэй шинэ залуу судлаачдыг дэмжих зорилготой юм.

ОУТГ-ын 2022 оны хэлэлцүүлэг семинар

Жил бүр ОУТГ нь тахь сэргээн нутагшуулах төслийн түншүүдийн хамт 3 өдрийн турш цугларч хэхэлцүүлэг семинар зохион байгуулдаг. Монгол, Швейцар, Чех, Норвеги, ХБНГУ-аас оролцогчид өөрийн төсөл, судалгааны үр дүнг хуваалцаж, хэрэгжүүлж буй үйл ажиллагааны талаар ярилцаж, шинэ санаа, цаашдын ажлуудын талаар ярилцдаг. Энэ жил цар тахлыг үл хамраан хэлэлцүүлэгт бүх хүн идэвхтэй оролцож, маш их амжилттай болж өнгөрлөө. Манай багийн хүн бүр зэрлэг адуу, тэдгээрийн экосистемийг хамгаалахын төлөө бүх хүч чадлаа зориулдаг билээ.

“ Говийн гайхамшигт 6 “

Монгол орны говийн экосистемийн гол төлөөөлөгч болсон хавтгай, хулан, мазаалай, тахь, хар сүүлтий, бөхөн зэргээс хамаарах “Говийн гайхамшигт 6“.

“Говийн гайхамшигт 6” төрийн болон төрийн бус байгууллага, эрдэмтэн судлаачдын талуудын ололцоотой уулзалт 2021 оны 11 сарын 3-5-ны хооронд зохион байгуулагдав. Энэ удаагийн уулзалтаар Говийн гайхамшигт 6 амьтдад тулгамдаж буй усны хангамжийн асуудал, зэрлэг амьтанд ээлтэй шугаман дэд бүтцийн стандартын хэрэгжилт зэргийн талаар талууд хэлэлцэв.

Үүнд Олон Улсын Тахь Группын судлаач Г.Ёндон, Зүүнгарын говийн дархан цаазат газрын мэргэжилтэн Г.Довчиндорж, О.Хүрэлбаатар нар оролцож тухайн амьтдын хамгаалалын талааар авч хэрэгжүүлж буй ажлаа талуудад танилцуулж, бусад оролцогчдоос туршлага солилцон ажиллаа.

“Дархан цаазат говийн багачуул”

Говийн их дархан цаазат газар “Б” хэсэгт гурван ахан дүүсийн зуны амралтаараа мөлхөгч, могойн талаар олж мэдсэн тухай түүхийг уншаарай. Ханнс-Зайделийн сангийн Монгол дахь төлөөлөгчийн газраас зарласан “Хүн бүр байгаль хамгаалагч” баримтат бичвэрийн уралдаанд гуравдугаар байрын шагнал хүртсэн Г. Ёндон, Г. Довчиндорж нар бичсэн юм.

Ямаа, хувцас загвар болон Тахийн төслийн талаар

Говийн их дархан цаазат газрын “Б” хэсэгт нүүдлийн малчид болон зэрлэг адуу (тахь) зэрэгцэн оршдог билээ. Нүүдэлчид байгаль дэлхийтэйгээ нягт холбоотой амьдралын уламжлалт хэв маягаа хадгалахын хажуугаар эдийн засгийн хувьд ч ашиг олох боломжийг бий болгохоор ОУТГ болон тусгай хамгаалалттай газар нутгийг хариуцаж буй хүмүүс хичээж байна. Ноолууран эдлэлийн EDELZiEGE компани болон ОУТГ нар хамтран малчдаас түүхий эдийг шууд худалдан авч нүүдэлчдийн ашиг орлогыг нэмэгдүүлэх төсөл хэрэжүүлэх төлөвлөгөөтэй байгаа юм.

ОУТГ өнгөрсөн долоо хоногт Берлин хотод Загварын долоо хоногийн тайзан дээр Тахь төслийг танилцууллаа.

ХБНГУ дахь Монгол улсын Элчин сайдын яам, Берлин хотын амьтны хүрээлэн, Heinz Sielmann-ний сан, Heinrich Boell-ийн сан, ODKHA Travel, Noble Nomads GmbH-ын төлөөлөл болон бусад зочидтой бид тогтвортой нэмүү өртгийн сүлжээ болон байгаль хамгаалал, нүүдэлчдийн аж ахуй ба хөнгөн үйлдвэрлэлийг хэрхэн холбох тухай сонирхолтой яриа өрнүүллээ.

Загвар зохион бүтээгч Anja Gockel бидэнд Берлин дэх Adlon Kempinski зочид буудал дахь тайзыг найрсгаар өгсөн ба түүний хувийн загварын үзүүлбэрээр тухайн өдрийн арга хэмжээ үргэлжлэв.

Говийн мөлхөгчид Б

Биологийн зүйл бүр экосистемд өөрийн тодорхой үүрэг гүйцэтгэдэг бөгөөд экосистемийг эрүүл байлгахад нөлөө үзүүлдэг.

Говийн их дархан цаазат газрын “Б” хэсэгт Зүүнгарын говийн хоёр нутагтан мөлхөгчдын зүйлийн олон янз байдал,

тархалт, байршил сэдэвт судалгаа хэрэгжив.

Судалгааны үр дүнд тус амьтдын зүйлийн бүртгэлийг гүйцэтгэж, хамгаалалын статусыг үнэлэх юм. Энэ нь цаашлаад ДЦГ-ын дотоод бүслэл тогтооход нөлөөлөх суурь мэдээлэл болох юм.

ГИДЦГ-ын “Б” хэсгийн усны менежмент

Ховд их сургууль болон ГИДЦГ “Б” хэсгийн судалгааны баг хамтран Монгол орны баруун өмнөд хэсэгт байрлах зүүнгарын тойрогт багтах гол, горхи, булаг шанд, баянбүрдын усны мониторинг судалгааны ажлыг хийж, уст цэгүүдийн байршлыг зураглах, усны чанарын судалгааг хийж гүйцэтгэж байна.

Төслийн гол зорилго нь зэрлэг амьтад болон нутгийн уугуул иргэдийн ахуйд нэн хэрэгцээ шаардлагатай уст цэгүүдийг тодорхойлж, түүний эхийг хашиж хамгаалах, усны менежементийн зөв бодлогыг судалгаанд үндэслэн хэрэгжүүлэх төлөвлөлтийг гаргах явдал юм.

Энэхүү төслийг Швейцарын хөгжлийн агентлаг, Олон улсын тахь групп нйигэмлэг болон ГИДЦГ-ын “Б” хэсгийн хамгаалалтын захиргааны хамтарсан санхүүжилттай хэрэгжүүлж байгаа болно.