“Ирээдүйн судлаач-2022” – Бага боловсрол (хээрийн аялал)

Говийн их дархан цаазат газрын “Б” хэсгийн орчны бүсэд багтах Говь-Алтай аймгийн Бугат сум, Тахийн тал, Тонхил сум, Алтансоёмбо багийн бага сургуулийн I-V ангийн нийт 30 сурагч, 14 багш, ажилчдын хамт 2022 оны 09 дүгээр сарын 05-ны өдөр “ БИД ЭХ ДЭЛХИЙН НАЙЗУУД, БИД БАЙГАЛЬ ХАМГААЛАГЧИД” гэсэн уриан доор нэгдсэн хээрийн аялалд оролцон бяцхан судлаачид боллоо. Судлаачид маань тухайн өдрийн цаг агаарын мэдээллийг хэлж сурч, тэмдэглэл хөтлөн байгалийн юмс үзэгдэлтэй өөрсдийн гараар хүрч, барьж танилцан мэдлэг цуглууллаа.

Нэгэн өдрийг маш сонирхолтой, хөгжилтэй өнгөрүүлээ бид.

Говь, талын туруутан амьтдын тооллого 2022

Өнгөрсөн долоо хоногт эрч хүчээр дүүрэн баг Зүүнгарын говь дахь зэрлэг амьтдыг тоолон, говь, талын туурайтан амьтад (хар сүүлт зээр, хулан, тахь)-д онцгой анхаарал хандууллаа.

Зэрлэг амьтдын тооллого судалгааг ГИДЦГ-ын “Б” хэсгийн албан хаагчид, Монгол Улсын Их Сургуулийн судлаачид, Норвегийн Дотоодын Их Сургууль болон Олон Улсын Тахь Группын олон улсын шинжлэх ухааны судлаачид хамтран ажилсан. Нийт 34 ажиглагчид говийн бүсэд 7 хонож, зайнаас түүвэрлэлтийн аргыг ашигласан судалгааг хийв. Үүнийг хэрэгжүүлэхэд ажиглагчид говийн дов толгод, уулс дээр гарч, 24 цагийг ганцаар өнгөрүүлэв. Тэд үндсэн ажиглалтын цэгүүдэд хоорондоо 4 км-ийн зайд байрлаж, зэрлэг амьтдыг 6 удаа бүртгэж тоолсон.

Өдөр, шөнийг ганцаараа говьд өнгөрүүлэх нь бүх ажиглагчдын хувьд сэтгэл хөдөлгөм, онцгой байсан байх.

Ажиглагчдыг зохион байгуулалттай гал тогооны баг дэмжиж, хоол хүнсээр хангасан.

Байгаль хамгаалагчдад Прагын амьтны хүрээлэнгээс дуран өгч, Швейцарийн Fossil компаниас цаг бэлэглэсэн. Тухайн судалгааг ОУТГ санхүүжүүлсэн бөгөөд ОУТГ-ын монгол дахь төлөөлөгчийн багийнхан, тусгай хамгаалалттай газар нутгийн удирдлагын тусламжтайгаар төслийг бүхэлд нь зохион байгуулсан. Төслийг шинжлэх ухааны үүднээс Петра Каценскийн удирдлага дор Норвегийн Дотоодын Их Сургуулийн хэд хэдэн эрдэмтэд дагалдаж байв.

Судалгааны явц одоогоор хээрийн судалгааны мэдээлэлд анализ хийж байгаа бөгөөд удахгүй говь, талын туурайтан амьтдын популяцийн хэмжээг тооцоолох боломжтой болно.

Энэхүү сонирхолтой төслийг дэмжсэн бүх хүмүүст маш их баярлалаа!

Монгол улсад тахь сэргээн нутагшуулсны 30 жилийн ойн баярыг тэмдэглэн өнгөрүүллээ

Тахь нь манай орны унаган зүйл амьтан боловч 1960 оны сүүлээр байгальдаа бүрэн устсан гашуун түүхтэй юм. Яг одоогийн байдлаар Хустайн нурууны байгалийн цогцолбор газарт 433, Говийн их дархан цаазат газрын “Б” хэсэгт 423, Хомын талынбайгалийн цогцолбор газарт 138 нийтдээ 1000 шахам толгой тахь сэргээн нутагшуулж байгаа бөгөөд манай улс дэлхийд хамгийн олон тахь бэлчээрлэдэг орон болжээ. Тахь нутагшуулах ажлыг эхлүүлж гар бие оролцож, залуу халуун насаа өнгөрүүлсэн ахмад ажилчид, өнөөдөр ажиллаж буй албан хаагчдын төлөөлөл, хамтран ажилдаг гадаадын иргэд, олон улсын байгууллага, төсөл хөтөлбөрүүд та бүхэндээ талархал илэрхийлж хүндэтгэл үзүүлье.

Хүүхдүүдийг байгаль хамгаалах ажилд татан оролцуулах бүтээлч арга замуудаас

ОУТГ болон ГИДЦГ-ын “Б” хэсгийн Хамгаалалтын захирганаас энэ оны эхээр зарласан “ЗАЛУУ СУДЛААЧ ХӨТӨЛБӨР”-ийн хүрээнд богино хэмжээний жүжгийн уралдааны шилдгүүд энэ долоо хоногт дархан цаазат газарт зочиллоо.VI-IX ангийн сурагчид “Ууган тахь гэртээ ирсэн нь” номоос сэдэвлэн найруулсан жүжгээ Тахийн талд үзүүлж, дархан цаазат газрын судлаач, байгаль хамгаалагчдаас Зүүнгарын говийн экосистемийн талаар илүү ихийг мэдэж авлаа.

Монгол улсын Засгийн газартай Санамж бичиг зурлаа

БОАЖЯ-ны сайд Б. Бат-Эрдэнэ (MET) саяхан Олон улсын тахь групптэй 10 жилийн хугацаанд хамтран ажиллах Санамж бичигт гарын үсэг зурж, Олон улсын тахь группын Монгол дахь Төлөөлөгчийн газрын Гүйцэтгэх захирал Ж. Батсүхэд гардууллаа. Санамж бичгийн төслийг боловсруулж батлуулахад хамтран ажилласан Тусгай хамгаалалттай бүс нутгийн удирдлагын газрын хамт олонд гүнээ талархал илэрхийлье.

Зэрлэг адууг Монголд сэргээн нутагшуулсан 30 жилийн ажлыг бид сэтгэл хангалуун, бахархалтайгаар эргэн эргэн дурсаж байна. Бидний ажлын үр дүнгээс харахад нэн ховордсон мегафауна-г сэргээн нутагшуулах, тэр байтугай байгальд устаж үгүй болсон амьтдыг ч аврах боломжтойг нотолж байна. Мөн энэ аврах ажиллагаа нь зөвхөн анхны экосистемээ хадгалж чадсан тохиолдолд амжилттай болох боломжтой гэдэг нь ойлгомжтой билээ.

ITG нь тахийг өлгий нутагт нь авч үлдэхийн төлөө Монголын Засгийн газартай үргэлжлүүлэн хамтран ажиллах болно.

Тахь сэргээн нутагшуулсны 30 жилийн ой

ахь сэргээн нутагшуулсны 30 жилийн ойд зориулсан хэвлэлийн бага хурал MN 25 дугаар сувгийн мэдээллийн танхимд болов.

Үе үеийн ахмадууд хүрэлцэн ирлээ. Хэвлэлийн бага хурал дээр Хустай, Хомын талын байгалийн цогцолборт газар, Говийн их дархан цаазат газрын “Б” хэсгийн хамгаалалтын захиргаадын дарга нар, ахмад үеийн төлөөллүүд үг хэлж, ажил эхлэх үеийн сайхан дурсамж ярьлаа.

Хүрэлцэн ирсэн бүх хүмүүст баярлалаа.

“Тахь сэргээн нутагшуулалт ба байгаль хамгаалал” сэдэвт гар зургийн уралдааны шагнал гардуулах ёслол

“Тахь сэргээн нутагшуулалт ба байгаль хамгаалал” сэдэвт гар зургийн уралдааны шагнал гардуулах ёслол 2022 оны 05-р сарын 17-ны Монголын хүүхдийн урлан бүтээх төвийн үзэсгэлэнгийн танхимд амжилттай зохион байгуулагдаж өндөрлөлөө.

Уралдаанд хүүхдүүд Монголын говиос гаралтай тахь хэмээх зэрлэг адууны тухай өөрсдийн ойлголт, төсөөллөөр зураг болгон 21 аймаг, сум, нийслэл, дүүргийн сургуулиудаас дүрсэлж 200 гаруй бүтээл илгээсэн байна. Шагналт байранд 6-7, 8-9, 10-12-р анги гэсэн гурван ангилалаар нийт 24 өсвөрийн зураачдад шагнал гардуулав.

Дэмжлэг үзүүлсэн байгууллагууддаа баярлалаа:

• Jet school of Mongolia сургалтын төв

• Сэлбэ олон улсын сургууль

• Мудра арт клуб

ГИДЦГ-ын “Б” хэсгийн тахийн тоо 349-т хүрлээ

2021 оны 12-р сарын байдлаар Монгол улсад нийт 851 тахь бэлчиж байна. Үүнээс: Говийн их дархан цаазат газрын “Б” хэсэгт – 349, Хустайн нурууны байгалийн цогцолборт газар – 380, Хомын талын байгалийн цогцолборт газар – 122 тахь тус тус идээшин өвөлжсөн байна.